听讲有个靓靓名嘅台风“梅花”要嚟啦，点解都唔多见落雨嘎？原来佢呢三日都唔会直接影响广州，怪唔得咁热啦。天气咁热搞到个人冇咩胃口，唔想食肉，不如买D凉拌菜开开胃啦。听讲海藻、海带、紫菜等海藻类食品富含蛋白质“生物活性肽”，可以有效预防心脏病嘎。今晚嘅头盘一于食凉拌海藻啦。
七月初四
宜：牧养 栽种 开市 交易
忌：入宅 移徙 作灶 祭祀
面膜指数：5
恋爱指数：4
糖水指数：3
衣着指数
名牌休闲衫抽检不合格
咪以为名牌就一定质量好，近日市工商服装抽检发现，唔少名牌专卖店嘅休闲衫存在PH值、纤维含量等方面唔合格嘅现象，连好出名嘅Levi’s、H&M都榜上有名。家阵对名牌真系冇咩信心，唯有降低期望值，款式合眼就好，想耐穿就几难喇。
防盗指数
公共防盗门谨记随手关
家阵华南板块咁多大型楼盘，好多都仲系开放式管理，唔单止送外卖收破烂嘅自出自入，分分钟连贼仔都冇王管……楼盘咁大，单靠保安都唔够嘎，提高自己嘅防范意识最紧要，随手关咗公共防盗门，可以加多层保障啦。
健康指数
多饮清水预防结石
近排都系三伏天时节，人体出汗多，成日会觉得口干舌燥，唔少后生仔都习惯频频饮汽水解暑，喺中医嘅角度，咁样系冇益嘎。饮料系唔可以代替白开水嘅，虽然汽水饮落好舒服，不过就唔可以解体渴，如果唔想有结石，都系多饮清水啦。
装备指数
新潮箱包旅行必备
终于等到有年中假放，去边度玩好呢？去欧洲七日游，定系东南亚海岛避避暑？无论你决定去边度长途旅行，一个多功能嘅旅行箱梗系唔少得，新出嘅箱包有个功能，就系受到撞击之后可以自动恢复原样，咁喺法国机场
